འཇམ་དཔལ་གྱི་སྒྲུབ་ཐབས།
འཇམ་དཔལ་གྱི་སྒྲུབ་ཐབས།
རྒྱ་གར་སྐད་དུ། མཉྫུ་ཤྲཱི་སཱ་དྷ་ནཾ། བོད་སྐད་དུ། འཇམ་དཔལ་གྱི་སྒྲུབ་ཐབས། སྔར་བཞིན་དུ་སྡིག་པ་བཤགས་པ་ལ་སོགས་པའི་རྗེས་ཐོགས་ལ་སྟོང་པ་ཉིད་
ལེགས་པར་དམིགས་ཏེ། ཟླ་བ་ལ་གནས་པའི་ཡི་གེ་མཾ་གི་ས་བོན་ངེས་པར་རྫོགས་པ་ལས་འཕགས་པ་འཇམ་པའི་དབྱངས་ཏེ། སྐུ་མདོག་སེར་པོ་ཞལ་གཅིག་ཕྱག་གཉིས་པ་ཟུར་ཕུད་ལྔ་དང་ལྡན་པའི་གཞོན་ནུ་རྒྱན་ཐམས་ཅད་ཀྱིས་བརྒྱན་ཅིང་ཕྱག་གཡོན་ན་ཨུཏྤལ་བསྣམས་པ། ཕྱག་གཡས་པ་རོལ་པས་བསྐྱོད་པ། སེང་གེའི་ཁྲི་ལ་གནས་པའི་པདྨ་དང་ཟླ་བ་ལ་བཞུགས་པར་བདག་ཉིད་སྐད་ཅིག་གིས་བསྒོམ་པར་བྱ་བའོ། །དེ་ནས་སྙིམ་པ་བཅས་ལ་མཛུབ་མོ་གཉིས་དང་སྲིན་ལག་གཉིས་སེན་མོ་ལ་བརྟེན་པར་བྱས་པ་ནི་ཨུཏྤལ་ཁ་བྱེ་བའི་ཕྱག་རྒྱ་བྱ་བ་ཡིན་ནོ། །ཨོཾ་ཝཱ་གཱི་ཤྭ་རི་མུཾ། ཞེས་བྱ་བ་ནི་བཟླས་པའི་སྔགས་སོ། །རྒྱལ་པོ་ཆེན་པོ་བརྗིད་པ་ཞེས་བྱ་བའི་འཇམ་དཔལ་གྱི་སྒྲུབ་ཐབས་སོ། །མཁས་པ་ལས་དགེ་སློང་ཚུལ་ཁྲིམས་རྒྱལ་མཚན་གྱིས་བསྒྱུར་བའོ།།
འཇམ་དཔལ་གྱི་སྒྲུབ་ཐབས།